Hiewan mat Leidenschaft

Moien, mein Numm ass Sheila Schmit wunnen zu Diddeleng, sinn bestuet an Mamm vun 2 wonnerbaren Meedercher.

Ech hunn 15 Joer am Spidol geschafft an hat Gléck vill Koppelen virun, wärend an no der Gebuert ze begleeden.

Des flott an hëllefräich Ënnerstëtzung well ech den zukünftegen Elteren weider ubidden an freeën mech iech an dëser flotter an spannender Aventure vun Schwangerschaft an Parentalitéit ze ënnerstëtzen, begleeden an informéieren.

Sheila Schmit

Meng Servicer

Ënnerstëtzung virun der Gebuert

Virbereedungscoursen

Op Ordonnance vum Gynekolog (Code S14) bidden ech Iech maximal 5 privat Virbereedungscourse bei Iech doheem un.

All Cours huet en Thema a mir diskutéieren déi verschidden Etappe vu Schwangerschaft a Gebuert.

  • Anamnese iwwert Är Situatioun
  • Är Erwaardunge fir Gebuert an de Post Partum
  • Projet d’accouchement
  • Wat kënnt a meng Wallis?
  • 3 Gebuertsphasen, Gebärpositiounen
  • Wei hält een d’Wéien am beschten aus, Gebuertsschmäerzen geréieren
  • Roll vum Papp wärend der Gebuert
  • Stëllen: Physiologie, Stëllpositiounen, Preventioun vu Crevassen, Mastiten
  • Biberon: Preparatioun, Quantitéit
  • Bonding-Attachement Mamm-Bëbee / Puppelchen
  • Soin vum Neigebuerenen: wei eng Produkter wielen ech?
  • Schlofritualer
  • 3 Méint Kolliken
  • Portage
  • Organisatioun Famill a Kolleegen,Visitten, Fotograf
  • Roll vun den Elteren
  • Baby Blues, Depressioun vum Post-Partum
  • Dem Kand seng Besoinen déi éischt Wochen a Méint

All Cours kann natierlech no Demande vun der Fra geännert ginn. Zielt mir Äer Uleiessen an ech passe mech deene gären un.

Des Coursë fänken ab der 26. Schwangerschaftswoch un. 

Visite prénatale

Wärend der Schwangerschaft kann d’Hiewan eng Visite an der Schwangerschaft ouni Ordonnance bei Iech machen.

Kontakt virun der Gebuert an ech beäntwere gären Är Froen, déi Dir nach hutt.

Des Prestatioune ginn direkt vun der CNS ofgerechent an zu 100% rembourséiert.

Ënnerstëtzung no der Gebuert

All Fra, déi zu Lëtzebuerg wunnt, huet Recht op d’Betreiung vun enger Hiewan bei sech doheem no der Gebuert wärend 2 Wochen.

Bei Keeserschnëtt, dem 1. Kand, Zwillingen, enger Fréigebuert <37SW, gëtt dd’Betreiung op Ordonnance op 3 Woche verlängert.

Des Prestatioune ginn direkt vun der CNS ofgerechent an zu 100% rembourséiert.

Wärend der Betreiung kontrolléieren ech den Allgemengzoustand vun der Mamm a vum Kand, Gewiichtskontroll, Nuebelkontroll, Bluttanalyse (Guthrietest 72 Stonnen no der Gebuert), Soin, ënnert anerem d’Buede vum Neigebuerenen, Begleedung an Ënnerstëtzung wärend dem Stëllen a bei den alldeegleche Froen a Problemer déi optriede kënnen.

Ech si frou Iech déi éischt Deeg a Wochen no der Gebuert ze begleeden andeems ech op Är Froen äntweren.

Jee no Noutwendegkeet kann dës Betreiung op Ordonnance vum Gynekolog oder Pediater verlängert ginn.

Kontaktéiert mir

Telefonéiert mech

Dir kënnt mech och op mengem Handy erreechen, zéckt net mir eng Noriicht ze hannerloossen! +352 621 70 57 74

Gitt op Facebook

Zéckt net meng Facebook Säit ze consultéieren! "Bei der Hiewan"

Schreift mir

Dir kënnt mir och direkt eng E-Mail schreiwen! info@hiewan.lu

luLëtzebuergesch