Hiewan mat Leidenschaft

Moien, mäi Numm ass Sheila Schmit, ech si bestuet a Mamm vun 2 wonnerbare Meedercher an ech wunnen zu Diddeleng.

Ech hu 15 Joer am Spidol geschafft an hat d'Gléck ganz vill Koppelen virun, wärend an no der Gebuert ze begleeden.

Des flott an hëllefräich Ënnerstëtzung well ech den zukünftegen Eltere weider ubidden a freeë mech iech an dëser flotter an spannender Aventure vu Schwangerschaft a Parentalitéit ze ënnerstëtzen, begleeden an z'informéieren.

Sheila Schmit

Meng Servicer

Ënnerstëtzung virun der Gebuert

Virbereedungscoursen

Op Ordonnance vum Gynekolog (Code S14) bidden ech Iech maximal 5 privat Virbereedungscourse bei Iech doheem un.

All Cours huet en Thema a mir diskutéieren gemeinsam déi verschidden Etappe vun der Schwangerschaft an der Gebuert.

  • Anamnese iwwert Är Situatioun
  • Är Erwaardunge fir d'Gebuert an de Post Partum
  • Projet d’accouchement
  • Wat kënnt a meng Wallis?
  • 3 Gebuertsphasen, Gebärpositiounen
  • Wei hält een d’Wéien am Beschten aus, Gebuertsschmäerzen geréieren
  • Roll vum Papp wärend der Gebuert
  • Stëllen: Physiologie, Stëllpositiounen, Préventioun vu Crevassen, Mastiten
  • Biberon: Préparatioun, Quantitéit, d'Conservatioun vun der Mëllech
  • Bonding-Attachement Mamm-Bëbee / Puppelchen
  • Soin vum Neigebuerenen: wéi eng Produkter wielen ech?
  • Schlofritualer
  • 3 Méint Kolliken
  • Portage
  • Organisatioun Famill a Kolleegen, Visitten, Fotograf
  • Roll vun den Elteren
  • Baby Blues, Dépressioun vum Post-Partum
  • Dem Kand seng Besoinen déi éischt Wochen a Méint

All Cours kann natierlech no Demande vun der Fra geännert ginn. Zielt mir Äer Uleiessen an ech passe mech deene gären un.

Des Coursë fänken ab der 26ter Schwangerschaftswoch un. 

Prénatal Visitten

Wärend der Schwangerschaft kann d’Hiewan eng Visitt ouni Ordonnance bei Iech machen.

Des Visitt ass eisen éischte Kontakt virun der Gebuert an ech beäntwere gären Är Froen, déi Dir nach hutt.

Des Prestatioune ginn direkt vun der CNS ofgerechent an zu 100% rembourséiert.

Ënnerstëtzung no der Gebuert

All Fra, déi zu Lëtzebuerg wunnt, huet Recht op d’Betreiung vun enger Hiewan bei sech doheem no der Gebuert wärend 2 Wochen.

Bei Keeserschnëtt, dem 1. Kand, Zwillingen, enger Fréigebuert <37SW, gëtt dd’Betreiung op Ordonnance op 3 Woche verlängert.

Des Prestatioune ginn direkt vun der CNS ofgerechent an zu 100% rembourséiert.

Wärend der Betreiung kontrolléieren ech den Allgemengzoustand vun der Mamm a vum Kand, Gewiichtskontroll, Nuebelkontroll, Bluttanalyse (Guthrietest 72 Stonnen no der Gebuert), Soin, ënnert anerem d’Buede vum Neigebuerenen, Begleedung an Ënnerstëtzung wärend dem Stëllen a bei den alldeegleche Froen a Problemer déi optriede kënnen.

Ech si frou Iech déi éischt Deeg a Wochen no der Gebuert ze begleeden andeems ech op Är Froen äntweren.

Jee no Noutwendëgkeet kann dës Betreiung op Ordonnance vum Gynekolog oder Pediater verlängert ginn.

Kontaktéiert mech

Mech uruffen

Dir kënnt mech och op mengem Handy kontaktéieren, zéckt net mir eng Noriicht ze hannerloossen! +352 621 70 57 74

Fannt mech op Facebook

Zéckt net meng Facebook Säit ze consultéieren! "Bei der Hiewan"

Schreift mir

Dir kënnt mir och direkt eng E-Mail schreiwen! info@hiewan.lu

luLëtzebuergesch